Gjykata e Tiranës liron protestuesit e ndaluar pas protestës

TIRANË — Gjykata e Tiranës ka vendosur lirimin e protestuesve të arrestuar pas protestës së zhvilluar në Tiranë. Trupa gjykuese e ka cilësuar të paligjshëm arrestimin e tyre dhe nuk ka caktuar asnjë masë sigurie ndaj protestuesve. Ata ishin ndaluar pasi dyshohet se tentuan të bllokonin qarkullimin e automjeteve në zonën e Zogut të Zi gjatë protestës.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprat penale të organizimit dhe pjesëmarrjes në grumbullime e manifestime të paligjshme, kundërshtimit të punonjësit të rendit publik, mosbindjes ndaj urdhrit të punonjësit të policisë, prishjes së qetësisë publike dhe nxitjes së të miturve për të kryer krim.