Gjithsej 30 zjarre në hapësira të hapura në Maqedoninë e Veriut
Qendra për Menaxhim me Kriza njofton se gjatë ditës janë regjistruar dhjetëra vatra zjarri në terrene të hapura anembanë vendit.
Të dhënat zyrtare tregojnë se deri në orën 18:30 të 8 tetorit, në Maqedoninë e Veriut janë regjistruar gjithsej 30 zjarre në ambiente të hapura. Nga ky numër i përgjithshëm i vatrave të evidentuara, 12 zjarre janë ende aktive, 2 janë vënë nën kontroll, ndërsa 16 janë shuar të tërat në terrene të ndryshme të vendit.
Zjarre aktive janë regjistruar në disa komuna të ndryshme, përfshirë Studeniçanin, Çashkën, Likovën, Dëbarcën, Vinicën, Vrapçishtin, Manastirin, Novacin dhe Prilepin. Ekipet kompetente në terren po vazhdojnë aktivitetet për stabilizimin e situatës dhe lokalizimin e vatrave. Ndërkohë, dy zjarre të tjera janë vënë nën kontroll në komunat Kumanovë dhe Koçan, ku po monitorohet gjendja nga organet përgjegjëse.
Nga ana tjetër, zjarret e shuara janë regjistruar në një listë më të gjerë komunash, duke përfshirë Sarajin, Qendrën, Çairin, Aerodromin, Gazi Babën, Mogillën, Dollnenin, Demir Hisarin, Bosillovën, Vasilevën, Makedonska Kamenicën, Vinicën, Kumanovën, Kratovën dhe Vrapçishtin.