Gjendet pa shenja jete personi i zhdukur në Ferizaj

FERIZAJ — Një person i cili ishte raportuar i zhdukur nga familjarët është gjetur pa shenja jete.

Rasti është konfirmuar nga zëdhënësi i Policisë së Kosovës për rajonin e Ferizajt, Kanun Veseli, i cili ka bërë të ditur se rasti ishte raportuar në Stacionin Policor në Ferizaj, pasi familjarët nuk kishin arritur të kontaktonin me personin e larguar nga shtëpia.

Lajmi është bërë i ditur edhe nga Shoqata e Kosovës për Kërkim-Shpëtim, sipas së cilës misioni i kërkim-shpëtimit u zhvillua në fshatin Rahovicë. Në njoftim thuhet: «Njoftojmë se misioni i kërkim-shpëtimit të sotshëm në Rahovicë të Ferizajt ka përfunduar me sukses, por fatkeqësisht personi i humbur ka ndërruar jetë».