Luiz Ejlli dënon dhunën ndaj studentëve në protestë

Këngëtari Luiz Ejlli ka dënuar dhunën e policisë ndaj studentëve dhe të rinjve gjatë protestës, duke theksuar se populli nuk duhet të ketë frikë nga ata që paguhen për ta mbrojtur. Përmes një postimi në rrjetin social “Instagram”, artisti ka shprehur solidaritet me protestuesit dhe qytetarët e lënduar, ndërsa ka ndarë shqetësimin e tij për mënyrën se si u trajtuan ata gjatë tubimit për kushtet në universitete.

Në reagimin e tij, Ejlli theksoi se një shtet matet nga mënyra se si i trajton njerëzit kur ata nuk pajtohen me të. Ai shtoi se dhimbja e një populli nuk duhet matur vetëm me numrin e njerëzve në shesh, por me largimet, ëndrrat e shuara dhe lotët në heshtje, duke kërkuar forcë dhe shërim për të lënduarit.