Gjashtë shoferë ndëshkohen në Ferizaj për vozitje në ndikim të alkoolit
Katër shoferë u ndaluan për kundërvajtje të rënda në trafik
FERIZAJ — Policia Rajonale e Ferizajt ka njoftuar se gjashtë shoferë janë ndëshkuar për kundërvajtje të rënda në trafik gjatë kontrolleve të shtuara të realizuara në orët e hershme të mëngjesit të 26 korrikut. Sipas njoftimit të policisë, katër shoferë janë ndaluar në rrugën "Dëshmorët e Kombit" në Ferizaj, pasi kanë drejtuar automjetet nën ndikimin e alkoolit.
Njëri prej tyre, V.B., 25 vjeç, i cili drejtonte një veturë "Audi", ka rezultuar me 1.11 promila alkool në gjak. Ndaj tij është shqiptuar gjobë prej 300 euro, dy pikë negative dhe masë e ndalimit të drejtimit të automjetit për gjashtë muaj.
Ndërkaq, tre shoferët e tjerë, RR.N. (25 vjeç), O.T. (26 vjeç) dhe Ç.B. (25 vjeç), janë kapur me përkatësisht 1.00, 0.88 dhe 0.86 promila alkool. Për ta janë shqiptuar gjoba nga 200 euro, dy pikë negative dhe heqje e patentëshoferit për tre muaj.
Policia Rajonale e Ferizajt ka bërë të ditur se do të vazhdojë kontrollet dhe aktivitetet e intensifikuara me qëllim të rritjes së sigurisë në komunikacion dhe zbatimit të dispozitave ligjore.
Burim: Lajmi.net, https://lajmi.net/gjashte-shofere-ndeshkohen-ne-ferizaj-kater-prej-tyre-kapen-duke-vozitur-nen-ndikim-te-alkoolit/
— Redaksia ZHURMA