Sa turistë mbërritën në Portin e Vlorës këtë të shtunë?
Gjatë kësaj fundjawe regjistrohet numri më i lartë i mbërritjeve, me 750 pasagjerë dhe rreth 200 autovetura që zbarkuan në qytet.
Redaksia ZHURMA · · Përditësuar · 1 min lexim
VLORË — Gjithsej 750 pasagjerë dhe rreth 200 autovetura zbarkuan këtë të shtunë në Portin Detar të Vlorës, duke shënuar numrin më të lartë të regjistruar për fundjavat e këtij sezoni veror.
Fluksi u nda në dy valë të mëdha të linjës Brindisi-Vlorë. Me tragetin e parë mbërritën 400 pasagjerë dhe 96 automjete, ndërsa me tragetin e dytë, që mbërriti në orët në vijim, zbarkuan rreth 350 pasagjerë dhe 100 automjete të tjera.
Përveç makinave të vogla, në port u regjistruan edhe një numër i lartë mjetesh të tonazhit të rëndë, përfshirë kamionë, autobusë dhe kampera. Ky volum i lartë i mbërritjeve reflekton ngarkesën maksimale të plazheve dhe restoranteve të qytetit gjatë fundjavave.
Burim: Gazeta Tema
— Redaksia ZHURMA
