Peshevski: Çdo vit rreth 30 të vdekur dhe 2 mijë të lënduar në punë

Rreth 20 deri në 30 persona humbin jetën çdo vit në vendin e punës, ndërsa 2000 të tjerë mbeten të lënduar, sipas të dhënave të bëra publike. Bujqësia dhe ndërtimtaria veçohen si sektorët më të prekur nga ky fenomen, ndërkohë që punëdhënësit vazhdojnë ta shohin sigurimin shëndetësor si një harxhim dhe jo si investim për sigurinë.

Nënkryetari i lidhjes së sindikatave, Ivan Peshevski, u shpreh se ky nuk është një problem i ri, por vazhdon prej tridhjetë vitesh që nga krijimi i shtetit. Sipas tij, sëmundjet profesionale shpesh nuk evidentohen dhe nuk regjistrohen, ndërsa në fund fajësohen vetëm punëtorët.

Lidhja e sindikatave kërkon kontrolle më rigoroze për shkak se shumë persona lëndohen pa marrë kompensim. Peshevski theksoi se kushtet e punës së inspektorëve janë të mjerueshme dhe se ekziston një mungesë e tyre në terren. Këshilli për Sigurinë dhe Shëndetin në Punë i bëri thirrje punëdhënësve që të mos e sakrifikojnë shëndetin e punëtorëve për produktivitet, kurse institucioneve u kërkoi përkushtim më të qëndrueshëm.