Fatmir Sheholli deklarohet i pafajshëm për spiunazh dhe shantazh

Fatmir Sheholli është deklaruar i pafajshëm në seancën fillestare të mbajtur në Gjykatën Themelore në Prishtinë, ku po përballet me akuzat për spiunazh dhe shantazh nga Prokuroria Speciale e Republikës së Kosovës. Pas leximit të aktakuzës nga prokurori special Bekim Kodraliu, ai u shpreh para trupit gjykues se e ndien veten të pafajshëm.

Më parë, ky rast ishte raportuar lidhur me daljen e tij para gjykatës për të njëjtat vepra penale.

Në seancë ishte i pranishëm edhe ministri në detyrë për Komunitete dhe Kthim, Nenad Rashiq, në cilësinë e palës së dëmtuar. Avokati mbrojtës Mentor Neziri bëri të ditur se mbrojtja tërhiqet nga e drejta për të kërkuar hudhjen e aktakuzës, duke kërkuar që procedura të vijojë me shqyrtim gjyqësor.