Enis Rexhepi shkëlqen te Shtutgarti dhe synohet nga Kosova

Sulmuesi 18-vjeçar Enis Rexhepi po tërheq vëmendjen në futbollin europian përmes paraqitjeve të shkëlqyera me fanellën e Shtutgartit. Talenti shqiptar ka regjistruar shifra mbresëlënëse në UEFA Youth League, ku ka shënuar gjashtë gola në vetëm tri ndeshje, përfshirë barazimin 2-2 kundër Gallatasarait.

Forma e tij e jashtëzakonshme përfshin edhe ndeshjet e tjera ndërkombëtare, ku ka realizuar dy gola ndaj Atletiko Madridit dhe tre gola kundër Vikingut. Në total, sulmuesi ka arritur kuotën e 16 golave gjatë këtij sezoni aktual.

Ndonëse deri tani ka përfaqësuar Shqipërinë, emri i tij është vënë në qendër të vëmendjes për shkak të diskutimeve dhe takimit me drejtuesit e Federatës së Futbollit të Kosovës, pasi po mendon kalimin te Përfaqësuesja e Kosovës.