Vatra shpall kryesinë e re pas ndryshimeve në kanunore
Përbërja e re bazohet në Kanunoren e miratuar në Kuvendin e qershorit të këtij viti, ndërsa nënkryetar është emëruar Alfons Grishaj.
NEW YORK — Kryetari i Federatës Pan-Shqiptare të Amerikës “Vatra”, Dr. Elmi Berisha, ka shpallur përbërjen e re të Kryesisë së kësaj organizate. Ky vendim është marrë duke u bazuar në Kanunoren e Vatrës, e cila u miratua në Kuvendin e 27 Qershorit 2026, konkretisht në pikat e Kapitullit 7 dhe 9.
Në ekipin e ri udhëheqës bëjnë pjesë Alfons Grishaj si nënkryetar, Mondi Rakaj sekretar dhe Ilir Cubi arkëtar. Ndërkaq, Kolec Ndoja do të drejtojë Këshillin, kurse Dr. Sokol Paja vazhdon si editor i gazetës “Dielli”. Kryesia plotësohet me anëtarët Dritan Demiraj, Mirela Kanini, Bashkim Musabelliu, Anton Raja, Paulin Mernaçaj dhe Tasim Ruko.
Burim: Dielli
— Redaksia ZHURMA