Qorraj: Viti i demokratëve në SHBA, populli është lodhur nga Trump

Shpëtim Qorraj, i njohur në Shtetet e Bashkuara të Amerikës si Tim Qorraj, garon si kandidat i Partisë Demokratike për Asamblenë e Shtetit të Nju-Jorkut në zgjedhjet e mesmandatit. Gjatë një paraqitjeje në emisionin «Off the Record» të moderuar nga Andrea Danglli në A2CNN, ai theksoi se qytetarët janë ndërgjegjësuar për të marrë pjesë masivisht në votime.

Qorraj u shpreh se «këtë vit shihet ashiqare që është viti i demokratëve» dhe se populli është lodhur nga politikat e administratës së Donald Trump. Sipas tij, zhvillimet ndërkombëtare dhe luftërat kanë rritur ndjeshëm shpenzimet për gazin, ushqimet dhe banesat, duke e bërë jetesën të vështirë për komunitetin.