Mema: Mungon strategjia afatgjatë për përfaqësimin e shqiptarëve në SHBA

Gjashtë shtetas shqiptarë kanë marrë pjesë në garën e zgjedhjeve të mesmandatit në Shtetet e Bashkuara të Amerikës, duke hapur diskutime mbi nivelin e përfaqësimit të komunitetit në politikën vendase. I ftuar në emisionin «Real Story» në ABC News, profesori i marrëdhënieve ndërkombëtare Medlir Mema ka trajtuar sfidat me të cilat ballafaqohet ky komunitet, duke veçuar nevojën për kandidatë me aftësi drejtuese që fitojnë mbështetjen e bashkatdhetarëve.

Sipas tij, organizimi duhet të nisë nga vetë Diaspora, ndërsa mungesa e një strategjie afatgjatë ka kufizuar rritjen e ndikimit politik. Mema shtoi se një angazhim më aktiv mund të ofrohet edhe nga shteti shqiptar nëpërmjet konsullatave dhe ambasadave, brenda kufijve të legjislacionit amerikan. «Në këtë aspekt, mua nuk më shqetëson nëse shkon Rama apo Berisha sa kohë janë për interesa jo personale apo shtetërore», u shpreh ai.