Durmishi: Më ndihmuan shqiptarët te Juventusi

Talenti 18-vjeçar shqiptar Arman Durmishi u përzgjodh si lojtari i muajit tetor në rubrikën mujore «We Are Youth» në portalin Juventus.com, duke zbuluar detaje nga rrugëtimi i tij te klubi italian. Duke folur për përvojën e tij te skuadra e njohur, ai ka treguar për sfidat dhe mbështetjen që ka marrë gjatë kësaj periudhe.

Rubrika mujore e portalit Juventus.com shërben për të njohur me yjet në rritje të skuadrës «Next Gen» dhe ekipeve të të rinjve të klubit italian. Sipas burimeve, djaloshi 18-vjeçar është bërë kohët e fundit temë diskutimi për shkak të refuzimit të vazhdueshëm të ftesave që i kanë ardhur nga U21 për ndeshjet miqësore, ndërsa më herët ai u transferua nga Koper në Slloveni së bashku me vëllain e tij Dajan, deri te grumbullimi me ekipin e parë të bardhezinjve për ndeshje miqësore apo zyrtare.

Sipas lojtarit, fillimet e tij në futboll nisën që kur ishte shumë i vogël, pasi kishte provuar sporte të ndryshme si volejboll, hendboll dhe basketboll, por në fund zgjodhi futbollin, duke kujtuar se kujtimi i tij i parë i qartë lidhet me një ndeshje kur po binte shi dhe shënoi golin e parë. Sa i përket rëndësisë së familjes, ai ka treguar se babai i tij i ka mbështetur gjithmonë dhe ka dhënë gjithçka për t'i ndihmuar të arrinin në këtë nivel, ndërsa ndarja e një pjese të rrugëtimit me vëllain e tij ka qenë fantastike.

Duke folur për zhvendosjen në Torino dhe përshtatjen me mjedisin e ri, ai ka treguar se mungesa e njohjes së gjuhës në fillim i bëri gjërat paksa të vështira, por gjatë vitit të parë dy bashkatdhetarët e tij, Rafaele Huli dhe Kris Gecaj, e ndihmuan jashtëzakonisht shumë. Jashtë fushës, ai pëlqen të luajë PlayStation me miqtë dhe të mbajë kontakte me njerëzit e afërt në Slloveni, duke u kthyer për t'i vizituar sa herë ka ditë pushimi.

Në aspektin sportiv, futbollisti ka zbuluar se idhulli i tij që i vogël ka qenë Mesi, ndërsa mes sulmuesve që e kanë frymëzuar spikatin Luis Suarez dhe Zlatan Ibrahimoviç, i cili është një tjetër burim i madh frymëzimi. Lidhur me kalimin te të rriturit, ai ka treguar se kalimi nga niveli U-20 te skuadra profesioniste «Next Gen» ka qenë ndihmë e madhe, ndërsa në Seria C, e cila është kampionat jashtëzakonisht sfidues, po punon konkretisht në fazën mbrojtëse së bashku me stafin e trajnerit Brambilla.