Çfarë masash parashikon Durmishi nëse kriza e çmimeve vazhdon?
Ministri i Ekonomisë thotë se rritja e çmimeve është vetëm 0,43%, por nuk përjashton uljen e TVSH-së nëse situata përkeqësohet.
PRISHTINË — Ministri i Ekonomisë dhe Punës, Besar Durmishi, deklaroi se çmimet e 55 produkteve bazë ushqimore janë stabile, me një rritje prej vetëm 0,43 për qind. Sipas tij, për momentin nuk ka nevojë për masa shtesë.
"Nëse vërejmë sjellje devijante në treg, do të veprojmë njësoj si më parë", tha Durmishi pas prezantimit të Planit Operativ për Punësim 2026. Ai paralajmëroi se nëse kriza vazhdon dhe çmimet rriten ndjeshëm, do të vendosen masa të reja — duke përfshirë mundësinë e uljes së TVSH-së.
Durmishi theksoi se Kosova ka inflacion më të ulët krahasuar me disa shtete të tjera dhe pret që Enti Shtetëror i Statistikave të publikojë të dhënat më të reja deri në fund të javës.
Burim: Telegrafi
— Redaksia ZHURMA