Kush është 'mbretëresha e shtëpisë' për Dua Lipën?
Këngëtarja ka publikuar fotografi familjare dhe një urim të veçantë për nënën e saj në Instagram.
LONDËR — Këngëtarja me famë botërore Dua Lipa ka uruar publikisht nënën e saj, Anesa Lipa, me rastin e 54-vjetorit të lindjes. Përmes një mesazhi të ndjerë të ndarë me ndjekësit në rrjetet sociale, artistja ka shprehur dashurinë e madhe për nënën e saj.
Në llogarinë e saj në Instagram, ylli i muzikës pop ka publikuar disa fotografi të ngrohta familjare, duke përfshirë edhe imazhe nga fëmijëria e saj. Në këto postime, ajo e cilësoi nënën si shtyllën kryesore të familjes dhe shtoi se çdo gjë të mirë në jetë ia detyron asaj.
“Gëzuar ditëlindjen mami im! Jemi shumë me fat që të kemi! Çdo gjë të mirë në jetën tonë ia detyrohemi dashurisë, durimit dhe forcës tënde! Ti je mbretëresha e shtëpisë dhe zemrave tona! Të dua shumë”, ka shkruar këngëtarja në urimin e saj.
Burim: Insajderi
— Redaksia ZHURMA