Drejtori Afrim Cana viziton pacienten pas protezës së parë të gjurit

GJILAN — Drejtori i Spitalit, Afrim Cana, ka vizituar pacienten pas suksesit të shërbimit të ri mjekësor. Në Spitalin e Përgjithshëm Gjilan është realizuar për herë të parë vendosja e protezës totale të gjurit, e siguruar nga SHSKUK-ja. Pacientja ndodhet në gjendje shumë të mirë shëndetësore, ndërsa drejtori u interesua për ecurinë e saj gjatë dhe pas operacionit.

Ky shërbim i ofruar nga stafi i Ortopedisë mundëson trajtim më cilësor për qytetarët pranë vendbanimit të tyre. Ekipi realizues i operacionit përbëhej nga operatori Veprim Presheva, asistentët Rinor Velekinca dhe Redon Jashari, anesteziologu Kelmend Jahiri, si dhe instrumentarja Veranda Xhimshiti dhe teknike e anestezionit Hasime Qerimi. Familjarët e pacientes kanë shprehur falënderime për profesionalizmin dhe kujdesin e treguar nga menaxhmenti dhe stafi.