Devolli Corporation dhe CNN nisin D1, kanal ekskluziv për Kosovën dhe Maqedoninë e Veriut

PRISHTINË — Devolli Corporation dhe CNN po përgatisin nisjen e D1, televizionit ekskluziv të lidhur me rrjetin ndërkombëtar për Kosovën dhe Maqedoninë e Veriut, pas muajsh përgatitjesh intensive dhe bashkëpunimi të ngushtë me ekipit e CNN-së.

Kanali do të ketë selin në Prishtinë dhe do të zhvillojë një rrjet në zgjerim gazetarësh dhe korrespondentësh në Kosovë, Maqedoninë e Veriut, Shqipërinë, rajonin e Ballkanit dhe qendra të rëndësishme ndërkombëtare për mbulim të shpejtë, të saktë dhe të balancuar.

D1 do të ndërthurë raportimin origjinal lokal me programe dhe përmbajtje informative të përzgjedhura të CNN-së, të përkthyera profesionalisht në gjuhën shqipe, duke synuar të bëhet televizioni kryesor informativ në Kosovë dhe një nga organizatat më të respektuara në rajon.

Shkëlqim Devolli, aksionar i Devolli Corporation, theksoi se ambicioni nga dita e parë nuk ka qenë thjesht të hapet një kanal tjetër televiziv, por të ndërtohet një institucion mediatik i besueshëm që fitoi besimin e publikut përmes profesionalizmit dhe pavarësisë editoriale.

Kostas Oikonomou, zëvendëspresident i lartë për Shitjen Globale të Përmbajtjes dhe Partneritetet Strategjike në CNN International Commercial, shprehu entuziazmin për partneritetin që do të ofrojë audiencave në Kosovë dhe Maqedoninë e Veriut raportim të besueshëm 24 orë në ditë, 7 ditë në javë.

Gjatë muajve të fundit, ekipet e Devolli Corporation dhe CNN kanë punuar krah për krah për ndërtimin e redaksisë, trajnimin e gazetarëve, zhvillimin e proceseve editoriale dhe implementimin e teknologjisë më të avancuar të transmetimit me objektiv të vetëm krijimin e një organizate moderne.

Nisja e transmetimeve të D1 shënon fillimin e një epoke të re të gazetarisë në Kosovë, duke ofruar lajme 24 orë në ditë, analiza të thelluara, raportime ekskluzive dhe histori që pasqyrojnë jetën, sfidat dhe arritjet e komuniteteve tona.

Burim: Nacionale
— Redaksia ZHURMA