Hoxha diskuton me Beyer për zgjedhjet në Serbi dhe procesin e zgjerimit

Ministri për Evropën dhe Punët e Jashtme, Ferit Hoxha, zhvilloi një takim në Berlin me Peter Beyer, deputet i Bashkimit Kristian Demokrat (CDU) dhe anëtar i Komisionit për Punët e Jashtme të Bundestagut. Gjatë takimit, palët diskutuan mbi zhvillimet e fundit në Shqipëri, ecurinë e procesit të anëtarësimit në Bashkimin Evropian dhe rëndësinë e ruajtjes së një procesi të besueshëm zgjerimi të bazuar në meritë.

Në qendër të bisedave ishin gjithashtu forcimi i marrëdhënieve shqiptaro-gjermane, nevoja për një angazhim më të fortë të Gjermanisë në Ballkanin Perëndimor, si dhe situata rajonale ku u kushtua vëmendje e veçantë zgjedhjeve të fundit në Serbi dhe ndikimit të tyre në stabilitet. Ministri Hoxha shprehu mirënjohjen për miqësinë e deputetit gjerman ndaj Shqipërisë dhe përkushtimin e tij ndaj së ardhmes evropiane të rajonit.