Daut Krasniqi: Nuk më lanë të hyj në shtëpi gjatë vizitës së vëllait
Ish-kryetari i Kuvendit qëndroi për disa orë në Prishtinë, ndërsa vëllai i tij tregon se nuk u lejuar hyrja brenda me arsyetimin e prishjes së rendit.
Redaksia ZHURMA · · 2 min lexim
PRISHTINË — Ish-kryetari i Kuvendit të Kosovës dhe ish-zëdhënësi i Ushtrisë Çlirimtare të Kosovës, Jakup Krasniqi, u kthye nga Haga në Kosovë për një vizitë humanitare për shkak të gjendjes së rënduar shëndetësore të bashkëshortes së tij. Vizita u miratua nga Dhomat e Specializuara të Kosovës në Hagë, ndërsa ai u rikthye në shtëpinë e tij në Prishtinë pas rreth gjashtë vjetësh, duke qëndruar për disa orë pranë familjarëve nën përcjelljen e zyrtarëve të EULEX-it dhe Policisë së Kosovës. Siç raportoi Zhurma më 19 nëntor 2026, ish-kryetari i Kuvendit kishte zhvilluar vizitë familjare nën përcjelljen e Gjykatës Speciale për arsye shëndetësore të bashkëshortes.
Gjatë qëndrimit në shtëpi, siguria u mbikëqyr nga zyrtarët policorë, ndërsa takimi u përcoll me emocione dhe gëzim. Megjithatë, jo të gjithë familjarët arritën ta takonin atë. Vëllai i tij, Daut Krasniqi, deklaroi se nuk i lejuan hyrjen brenda. «Nuk më lanë me pa, thanë prishet rendi, unë s’jam për me prish…», u shpreh ai, duke folur edhe për pritjet e familjes lidhur me vendimin e Gjykatës së Apelit pas dënimit nga shkalla e parë me njëzet e pesë vjet burgim, krahas ish-krerëve të tjerë të UÇK-së, Hashim Thaçi, Kadri Veseli dhe Rexhep Selimi. Kjo përbën vizitën e dytë të tij në Kosovë pas dërgimit në Hagë, pas asaj të realizuar në vitin 2024 në Negrovc pas vdekjes së vëllait.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar