Rama: Dorëheqja e Bedri Hamzës nuk lidhet me Ligjin për Specialen
Deputeti i Partisë Demokratike të Kosovës deklaron se largimi i Bedri Hamzës nga pozita e kryetarit nuk ka lidhje me Gjykatën Speciale.
Redaksia ZHURMA · · 1 min lexim
Deputeti i Partisë Demokratike të Kosovës, Rrahman Rama, ka deklaruar se dorëheqja e Bedri Hamzës nga pozita e kryetarit të kësaj partie nuk ka të bëjë me Ligjin për Gjykatën Speciale. Gjatë një paraqitjeje në emisionin “Pressing” në T7, ai ka theksuar se Hamza kishte paralajmëruar më parë largimin e tij.
Sipas deputetit Rama, vendimi ishte menduar menjëherë pas zgjedhjeve të dhjetorit, por kërkesa ishte shtyrë për shkak të procesit të Hagës dhe kërkesës së partisë. «Ju garantoj që dorëheqja e Bedri Hamzës nuk ka të bëjë me ligjin, PDK-ja na ka thënë se pas zgjedhjeve të dhjetorit nuk do jem kryetar», është shprehur ai.