Dafina Dauti publikon këngën e re “Kosova po pret”

Këngëtarja e njohur nga Drenica, Dafina Dauti, ka publikuar projektin e saj më të ri muzikor, të titulluar “Kosova po pret”. Kënga vjen vetëm pak ditë para vendimit të shumëpritur për ish-krerët e UÇK-së që po gjykohen në Hagë.

Përmes këtij projekti, artistja përcjell mesazhin e pritjes, shpresës dhe mbështetjes për çlirimtarët. Ajo kohëve të fundit ka qenë e pranishme edhe në aktivitete të shumta në mbështetje të ish-krerëve të UÇK-së, duke iu bashkuar iniciativave me të njëjtin mesazh, i cili tashmë është sjellë edhe përmes muzikës.