Myrto Uzuni shënon dy gola për fitoren e Austinit ndaj Kansas Cityt

Sulmuesi i Shqipërisë, Myrto Uzuni, ka qenë vendimtar në ndeshjen e ligës MLS të Shteteve të Bashkuara të Amerikës, duke shënuar dy gola në fitoren 2:1 të Austinit ndaj Sporting Kansas Cityt. Me këtë fitore, skuadra nga Teksasi ka arritur të përmbysë rezultatin, duke i dhënë fund serisë prej tri humbjeve radhazi.

Për 31-vjeçarin, ky edicion po tregon shifra pozitive me nëntë gola në total dhe dy asistime në 23 paraqitje. Golin e fitores dhe të epërsisë Uzuni e realizoi në minutën e 86-të të takimit. Pavarësisht këtij suksesi në ndeshje, Austini mbetet i pozicionuar në vendin e parafundit me 34 pikë, duke qenë larg zonës së play-offit.