Lirohen në natyrë zogjtë e kapur ilegalisht me rrjeta në Lipjan

Disa zogj të llojeve «Gardelina» dhe «Trishtili i madh», të cilët ishin kapur në mënyrë të kundërligjshme me rrjeta në territorin e Lipjanit, janë kthyer përsëri në mjedisin e tyre natyror. Aksioni është ndërmarrë nga Inspektorati i Ministrisë së Mjedisit dhe Planifikimit Hapësinor, pasi ky institucion ka pranuar informacion nga Policia e Kosovës në Magurë. Gjatë këtij intervenimi në terren, përveç lirimit të shpendëve të egër, zyrtarët inspektues kanë sekuestruar edhe rrjetat e përdorura për kapjen e tyre.

Ministrja e Mjedisit dhe Planifikimit Hapësinor, Fitore Pacolli, përmes një deklarate ka theksuar se veprime të tilla të paligjshme nuk do të lejohen në të ardhmen. Duke vënë në pah rëndësinë e ruajtjes së ekuilibrit ekologjik, ajo ka shtuar se «kapja e kundërligjshme e zogjve të egër nuk do të lejohet» dhe se mbrojtja e faunës e e biodiversitetit përbën përgjegjësi të përbashkët për të gjithë.