Ceremonia e betimit të rekrutëve të rinj të FSK-së mbahet në Prishtinë

Kazerna “Adem Jashari” në Prishtinë bëhet gati për ceremoninë e betimit të rekrutëve të rinj të Forcës së Sigurisë së Kosovës, e cila është paraparë të nisë në orën 15:00. Ngjarja shënon një moment të rëndësishëm për rekrutët, të cilët i bashkohen radhëve të FSK-së pas përfundimit të fazave përkatëse të përgatitjes dhe trajnimit. Në këtë ceremoni pritet të marrin pjesë udhëheqës të lartë shtetërorë, si dhe oficerë dhe nënoficerë të Ministrisë së Mbrojtjes dhe FSK-së.

Forca e Sigurisë së Kosovës ka për mision të kontribuojë në sigurinë e vendit, mbrojtjen e sovranitetit dhe integritetit territorial të Republikës së Kosovës, si dhe në mbështetjen e qytetarëve në situata emergjente.