Ramadani paralajmëron shkelje të Kushtetutës pas mungesës së kandidatit të LVV në Kuvend
Deputeti i Aleancës akuzon Lëvizjen Vetëvendosje se po e lë Kosovën pa Kuvend e pa Qeveri përmes bllokimit të institucioneve.
PRISHTINË — Deputeti i Aleancës për Ardhmërinë e Kosovës, Burim Ramadani, ka deklaruar se partia e tij nuk e konteston fitoren e Lëvizjes Vetëvendosje në zgjedhjet e 7 qershorit, por ka paralajmëruar se nuk do të lejojë shkeljen e kushtetutshmërisë dhe bllokimin e institucioneve.
Sipas tij, Aleanca ka ofruar mbështetje për zgjedhjen e Presidentit përmes një pakete me gjashtë propozime që nga 26 qershori, duke vënë në dispozicion shtatë votat e saj pa kërkuar asnjë pozitë apo përfitim partiak, por deri më tani nuk ka marrë asnjë përgjigje institucionale nga pushteti.
Ramadani ka kritikuar ashpër mungesën e veprimit nga ana e LVV-së për të propozuar kandidatin për Kryetar të Kuvendit, duke theksuar se ky ngërç po e lë vendin pa Parlament funksional dhe pa Qeveri të re të dala nga vota e qytetarëve.
Në reagimin e tij publik, deputeti i Aleancës ka përfunduar me një mesazh të prerë drejtuar shumicës parlamentare: «Mbajeni pushtetin, por harrojeni që mund ta prishni shtetin!», duke paralajmëruar se do të vazhdojë angazhimin e tij për mbrojtjen e rendit kushtetues.
Burim: Gazeta Metro
— Redaksia ZHURMA
