Berat Gjimshiti largohet nga Atalanta pas 10 vitesh — firmos me Al Diriyah
Kapiteni i kombëtares shqiptare kalon në Arabinë Saudite për 3 milionë euro dhe kontratë deri në qershor 2028.
BERGAMO — Qendërmbrojtësi shqiptar Berat Gjimshiti largohet nga Atalanta pas një dekade dhe 250-plus ndeshjesh në Serie A, duke arritur marrëveshje për transferim te klubi sauditar Al Diriyah sipas gazetarit Fabrizio Romano.
Vlera e transferimit është 3 milionë euro, me futbollistin 33-vjeçar që do të nënshkruajë kontratë deri në qershor të vitit 2028. Gjimshiti u transferua te Atalanta në janar 2016 nga Zyrihu dhe u bë titullar i padiskutueshëm, duke luajtur rol kyç në fitoren e Europa League-së në sezonin 2023/24 dhe në Ligën e Kampioneve.
Kapiteni i kombëtares kërkon tani të çojë eksperiencën e fituar në Europë te skuadra e re, pasi kontrata e tij me Atalantën do të skadohej në qershor të vitit të ardhshëm. Klubi bergamask humb një nga figurat më të rëndësishme të mbrojtjes së tyre të fundit.
Burim: Insajderi
— Redaksia ZHURMA