Ivan Balliu mbyll karrierën në Kombëtaren shqiptare pas nëntë vitesh

Mbrojtësi 34-vjeçar Ivan Balliu i ka dhënë fund aventurës së tij me Kombëtaren shqiptare pas një rrugëtimi prej nëntë vitesh me fanellën kuqezi. Ai ka bërë publike tërheqjen përmes një mesazhi në rrjetet sociale, ku ka vlerësuar këtë periudhë si një prej kapitujve më të rëndësishëm të jetës dhe karrierës së tij, duke përmendur emocionet, sakrificat dhe miqësitë e krijuara ndër vite. Si një nga momentet më krenare, futbollisti ka veçuar pjesëmarrjen në Kampionatin Europian të vitit 2024. Sipas burimeve, paraqitjen e tij të fundit me Shqipërinë e regjistroi në muaji mars gjatë ndeshjeve të fazës ‘play-off’ të Botërorit, ndërsa më pas mungoi për shkak të dëmtimeve. «Nëntë vite në zemrën time. Një privilegj për gjithë jetën. Faleminderit, Shqipëri!», shprehet ndër të tjera mbrojtësi, i cili tashmë do të përqendrohet te klubi spanjoll Rayo Vallecano.

Siç raportoi Zhurma më 9 nëntor 2026, pas largimit të mbrojtësit nga Kombëtarja shqiptare pati edhe një reagim nga presidenti i Federatës Shqiptare të Futbollit, Armand Duka.