Ardjan Takaj kalon me sukses ndërhyrjen kirurgjikale në zemër

Presidenti i klubit të Skënderbeut, Ardjan Takaj, ka kaluar me sukses ndërhyrjen kirurgjikale në zemër, pasi shfaqi probleme shëndetësore pas duelit që skuadra korçare zhvilloi ndaj Dinamos. Gjatë kësaj ndërhyrjeje mjekësore, atij i janë vendosur dy stenda në arteriet koronare për të trajtuar problemin kardiak që u shfaq pas ndeshjes dhe pasoi me transportimin e tij të menjëhershëm në spital.

Në aspektin personal, muajt e fundit kanë qenë të vështirë për drejtuesin e klubit korçar, i cili më 29 qershor humbi nënën e tij. Ndërkohë, në planin sportiv, skuadra e Skënderbeut po kalon një sezon me sfida dhe aktualisht renditet në vendin e pestë të kampionatit me 14 pikë të grumbulluara.