Behrami: 12 dhe 16 shtatori duhet të shërbejnë për bashkim

Deputeti i Partisë Demokratike të Kosovës, Artan Behrami, ka theksuar se datat 12 dhe 16 shtatori kërkojnë bashkimin e qytetarëve dhe skenës politike. Gjatë një prononcimi, ai ka cilësuar gjashtë vitet e kaluara në gjykimin në Hagë si periudha të rënda jo vetëm për familjarët dhe ish-krerët e Ushtrisë Çlirimtare të Kosovës, por edhe për popullin e Kosovës.

Sipas tij, pritet organizim më 12 shtator në Prishtinë për të shprehur përkrahjen ndaj ish-krerëve, ndërsa më 16 shtator është paralajmëruar manifestim në Hagë përmes angazhimit të diasporës.