BE ne gatishmeri per zjarret ndërsa presioni rritet ne Shqiperi
Presidentja e Komisionit Evropian, Ursula von der Leyen, njofton se sistemi satelitor Copernicus po mbështet operacionet e hartëzimit për zjarret.
TIRANË — Presidentja e Komisionit Evropian, Ursula von der Leyen, ka deklaruar se Bashkimi Evropian po monitoron nga afër situatën e zjarreve në Evropë, ndërsa Shqipëria është përfshirë në listën e vendeve ku presioni nga vatrat e zjarrit po rritet.
Përmes një postimi në rrjetin social X, ajo theksoi se Evropa mbetet në gatishmëri të lartë për zjarret masive. Sipas saj, sistemi satelitor Copernicus po mbështet tashmë operacionet e hartëzimit në disa shtete të prekur, përfshirë Shqipërinë, Spanjën, Greqinë, Francën, Gjermaninë dhe Serbinë.
Von der Leyen shtoi se Qendra e Emergjencave po ndjek vazhdimisht zhvillimet në të gjithë kontinentin, ndërsa Mekanizmi i Mbrojtjes Civile të Bashkimit Evropian mbetet në dispozicion për çdo shtet që kërkon ndihmë dhe solidaritet në ballafaqimin me flakët.