Bajrami: Dafina Zeqirin e kam rivale në muzikë
Këngëtarja Arta Bajrami ka folur për karrierën e saj dhe ka veçuar Dafina Zeqirin gjatë një interviste.
Redaksia ZHURMA · · 1 min lexim
Këngëtarja e njohur shqiptare, Arta Bajrami, ishte e ftuar në emisionin “Live me Luizin”, ku diskutoi për zhvillimet ndër vite në estradë dhe rikthimin e hiteve të dikurshme në vëmendje përmes rrjeteve sociale, veçanërisht platformës TikTok. Gjatë rubrikës së pyetjeve me zarfe, moderatori Luiz Ejlli e pyeti artisten nga Prishtina se cilën kolege e konsideron rivale në tregun muzikor. Interpratuesja e hitit “Asnjë Milimetër” dha një përgjigje që tërhoqi vëmendje, duke përmendur emrin e Dafina Zeqirit.
«Mendoj që stilin e muzikës e kam pak më ndryshe, sepse janë disa këngëtare që bëjnë një lloj muzike dhe aty mund të jenë rivale të ndryshme. Unë nuk e di kë mund ta kem rival të stilit tim? Mundem me thënë që Dafina është pak më afër», u shpreh Bajrami. Ajo shtoi se stili i saj është mjaft specifik dhe se nuk e ka të lehtë të gjejë artiste të tjera që përkojnë drejtpërdrejt me profilin e saj artistik. Siç raportoi Zhurma më 19 nëntor 2026, këngëtarja e njohur ka qenë më parë në qendër të vëmendjes edhe për hyrjen e saj në shtëpinë e Big Brother VIP Kosova 5.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar