Bajraktari: Populli shqiptar me fat që ka një ambasador si Wendt

Veprimtari shqiptaro-amerikan Harry Bajraktari ka reaguar pas mesazhit që ambasadori amerikan Eric Wendt i ka drejtuar popullit shqiptar, duke vlerësuar angazhimin e tij për forcimin e partneritetit ndërmjet Shteteve të Bashkuara të Amerikës dhe Shqipërisë. Përmes një postimi, ai e ka falënderuar diplomatin për mesazhin, duke vënë theksin te rëndësia e miqësisë dhe e aleancës strategjike ndërmjet dy vendeve.

Sipas Bajraktarit, diplomati amerikan është angazhuar edhe për zgjerimin e mundësive ekonomike dhe për avancimin e synimeve të përbashkëta. «Populli shqiptar është me fat që ka një Ambasador amerikan që e kupton rëndësinë e aleancës strategjike ndërmjet Amerikës dhe popullit shqiptar», ka shkruar ai, duke përcjellë urimet për suksesin e ambasadorit në misionin e tij dhe duke përmbyllur postimin me thirrjen: «Zoti i bekoftë Shtetet e Bashkuara të Amerikës dhe popullin amerikan. Zoti e bekoftë Shqipërinë dhe të gjithë shqiptarët, kudo që janë».

Siç raportoi Zhurma më 14 tetor 2026, ky aktivist ka qenë më parë në qendër të vëmendjes edhe për shkak se emri i tij ishte propozuar nga LDK-ja për postin e presidentit.