Kush organizon kalimin e emigrantëve?

— Policia e Tiranës ka arrestuar një shtetas egjiptian, 34 vjeç, banues në Krujë, i dyshuar për organizimin dhe transportimin kundrejt pagesës të emigrantëve që synonin të kalonin në mënyrë të paligjshme kufijtë drejt vendeve të Bashkimit Evropian. Sipas Policisë, 34-vjeçari u kap në flagrancë në autostradë, pranë Rinasit, teksa po transportonte drejt Shkodrës një shtetas egjiptian. Për të shmangur kontrolllet policore, ai dyshohet se i transportonte emigrantët një e nga një. Nga hetimet paraprake rezulton se i arrestuari organizonte dhënien e ndihmës për shtetas të huaj, kryesisht nga Egjipti, për kalim të kundërligjshëm të kufijve me destinacion vendet e Bashkimit Evropian. Arrestimi u krye në kuadër të operacionit policor të koduar “Organizatori”, pas informacioneve të siguruara në rrugë operative. Procesi verborëk është në fillim dhe policia vazhdon hetimet për të identifikuar të gjithë personat e përfshirë në këtë rrjet të trafikimit të njerëzve.

Burim: Gazeta Si, https://gazetasi.al/arrestohet-ne-rinas-egjiptiani-kalonte-ilegalisht-emigrantet-drejt-vendeve-te-be/
— Redaksia ZHURMA