Arrestohet pronari i dyqanit në Durrës për kontrabandë

DURRËS — Policia e Durrësit ka finalizuar operacionin e koduar “Illegality”, duke vënë në pranga një 46-vjeçar, banues në Tiranë, pasi në dyqanin në pronësi të tij në lagjen nr. 14 u gjetën dhe u sekuestruan qindra paketa me cigare të llojeve të ndryshme dhe fishekzjarrë, të dyshuara si mallra kontrabandë. Gjatë verifikimeve, autoritetet konstatuan se në biznes fshiheshin edhe të ardhurat e përfituara nga shitja e këtyre produkteve. 46-vjeçari akuzohet për veprat penale të kontrabandës, tregtimit, transportimit dhe ruajtjes së mallrave kontrabandë, fshehjes së të ardhurave, si dhe mospagimit të taksave e tatimeve, ndërsa materialet i kanë kaluar Prokurorisë për veprime të mëtejshme.