Arrestohet një i dyshuar për krime lufte në Zubin Potok

Një person me inicialet R.K. është arrestuar në kuadër të hetimeve për krime lufte të dyshuara në Zubin Potok. Arrestimi është kryer nga hetuesit e Drejtorisë për Hetimin e Krimeve të Luftës, me urdhër të Prokurorisë Speciale të Republikës së Kosovës.

I dyshuari ngarkohet me veprën penale “Krime lufte kundër popullsisë civile” dhe ndaj tij është caktuar ndalimi prej 48 orësh. Prokuroria Speciale pritet të parashtrojë kërkesë për caktimin e masës së paraburgimit në Gjykatën Themelore në Prishtinë, ndërsa veprimet hetimore do të vazhdojnë në koordinim me policinë.