Ardita Sinani: Votimet sot në Serbi janë ditë jetike për shqiptarët e Luginës

Në Serbi po mbahen zgjedhjet e parakohshme parlamentare, ku shqiptarët e Luginës së Preshevës, Bujanocit dhe Medvegjës po garojnë në një listë të përbashkët me synimin për të siguruar tri mandate në Kuvendin e Serbisë. Gjatë procesit të kësaj të diele, të drejtën e votës e ka shfrytëzuar edhe kryetarja e Preshevës, Ardita Sinani.

Sinani ka deklaruar se dita e sotme është vendimtare dhe jetike për shqiptarët e këtij rajoni, duke i ftuar qytetarët që të mos hezitojnë. «Unë ftoj masivisht qytetarët të dalin sot, të shfrytëzojnë të drejtën e votës», ka theksuar ajo.

Kryetarja e Preshevës ka kërkuar nga qytetarët që të dalin me të gjithë anëtarët e familjes për t'i përgjigjur kësaj dite, ndërsa e ka cilësuar gjithashtu këtë proces zgjedhor si një referendum në vete.