Çfarë synon projektrregullorja e re e AMF-së për veprimet digjitale?
Pse është i rëndësishëm përafrimi i legjislacionit shqiptar me acquis-in e BE-së?
TIRANË — Autoriteti i Mbikëqyrjes Financiare organizoi për herë të parë një tryezë konsultative gjithëpërfshirëse me anëtarët e Platformës së Partneritetit për Integrimin Evropian (PPIE), ku prezantoi projektrregulloren “Për qëndrueshmërinë operacionale digjitale në subjektet e licencuara nga Autoriteti i Mbikëqyrjes Financiare”.
Projektrregullorja është pjesë e procesit të përafrimit të legjislacionit shqiptar me acquis-in e Bashkimit Evropian dhe synon të vendosë kërkesa të standardizuara për menaxhimin e rreziqeve të teknologjisë së informacionit dhe komunikimit nga subjektet e mbikëqyrura nga AMF.
Sipas Drejtoreshës së Përgjithshme Ekzekutive të AMF-së, Adela Xhemali, projektrregullorja përbën një hap të rëndësishëm drejt modernizimit të kuadrit mbikëqyrës dhe kërkon angazhim të shtuar nga subjektet e licencuara për forcimin e menaxhimit të rrezikut, raportimin e incidenteve dhe rritjen e qëndrueshmërisë operacionale digjitale.
Gjatë tryezës konsultative, anëtarët e Platformës së Partneritetit për Integrimin Evropian diskutuan mbi dispozitat kryesore të projektrregullores dhe sfidat që lidhen me zbatimin e saj, duke dhënë kontributet e tyre në kuadër të procesit të konsultimit publik.
*Burim: ATSH*
— Redaksia ZHURMA