Aktivistja e VLEN-it akuzon partinë për mashtrim me premtimin e punës në spital
I ishte premtuar vend pune në Spitalin e Tetovës, por pas fushatave për partinë mbeti pa u punësuar.
Redaksia ZHURMA · · Përditësuar · 1 min lexim
TETOVË — Një aktiviste e VLEN-it nga Tetova akuzon partinë se e mashtroi me premtimin për punësim, sipas një rrëfimi të botuar nga Nafie Selmani, që më parë kishte shkruar për "2.400 punësimet" me të cilat lavdërohet partia. Sipas saj, i ishte premtuar një vend pune në Spitalin e Tetovës, madje i kishin treguar listën ku figuronte emri i saj. Premtimi, megjithatë, nuk u mbajt kurrë. Selmani shkruan se ia njeh emrin dhe mbiemrin e gruas, por identitetin po ia ruan me kërkesën e saj.
Ajo pretendon se ka qenë aktiviste e angazhuar në shumë veprimtari të VLEN-it në terren, ku shpenzoi kohën dhe kontributin e saj, duke besuar se premtimi do të përmbushej. Por kur duhej të realizohej, ajo mbeti krejtësisht e harruar.
Selmani ngre një pyetje më të gjerë: sa qytetarë të tjerë janë mbajtur me premtime bosh për punësim, janë përdorur për fushata e aktivitete partiake, dhe më pas janë harruar?
Sipas Selmanit, kur VLEN-i krekoset me "2.400 punësime", ato u shkojnë më shumë nipërve, familjarëve dhe jaraneshave të tyre, sesa shqiptarëve të tjerë. Burim: Tetova Sot
— Redaksia ZHURMA
