Aksident në Gramsh, dy të plagosur pas përplasjes së dy automjeteve
Dy persona kanë mbetur të plagosur dhe po marrin ndihmën mjekësore pas një aksidenti rrugor në Gramsh.
Redaksia ZHURMA · · Përditësuar · 1 min lexim
Një aksident rrugor është regjistruar në territorin e Bashkisë Gramsh, ku janë përplasur dy automjete me njëri-tjetrin. Si pasojë e kësaj përplasjeje, dy persona kanë mbetur të dëmtuar dhe janë dërguar për të marrë ndihmën e nevojshme mjekësore në Spitalin Bashkiak të Gramshit, ku ndodhen jashtë rrezikut për jetën.
Përplasja mes dy mjeteve ka shkaktuar dëme të konsiderueshme materiale, të cilat janë përqendruar kryesisht në pjesën e përparme të tyre. Në vendin e ngjarjes kanë mbërritur shërbimet e Policisë, të cilat po kryejnë veprimet hetimore për të dokumentuar rrethanat dhe për të përcaktuar shkakun e aksidentit.
