Aeroporti i Ohrit me pamje të re dhe investim prej 2.7 milionë eurosh
Aeroporti i Ohrit “Shën Apostull Pali” është vënë në përdorim në Ditën e Pavarësisë pas një investimi prej 2.7 milionë eurosh.
Redaksia ZHURMA · · 1 min lexim
OHËR — Aeroporti i Ohrit “Shën Apostull Pali” ka vënë në përdorim ndërtesën e rikonstruktuar të terminalit në Ditën e Pavarësisë të Maqedonisë së Veriut, 8 Shtator, pas një investimi prej 2.7 milionë eurosh. Hapësirat e rikonstruktuara janë pajisur në mënyrë moderne dhe janë dekoruar me replika të mozaikëve dhe afreskeve nga trashëgimia kulturore e Ohrit.
Zëvendëskryeministri dhe ministri i Transportit dhe Lidhjeve, Aleksandar Nikolloski, theksoi se bëhet fjalë për rikonstruktimin e parë pas 56 vitesh, i cili u realizua për dy vite. Sipas tij, përmes aeroportit kanë kaluar më shumë se 240 mijë pasagjerë që nga fillimi i vitit e deri më sot.
