17-vjeçari humb jetën pasi u godit nga vetura në rrugën Ferizaj–Prishtinë

FERIZAJ — Një 17-vjeçar ka humbur jetën të mërkurën pasi u godit nga një veturë në rrugën Ferizaj–Prishtinë.

Zëdhënësja e Policisë së Kosovës për rajonin e Prishtinës, Flora Ahmeti, ka konfirmuar se aksidenti ka ndodhur rreth orës 15:30.

“Sot rreth orës 15:30, kemi pranuar informatën se në rrugën Ferizaj–Prishtinë ka ndodhur një aksident trafiku. Në këtë aksident ka qenë i përfshirë një automjet dhe një këmbësor. Si pasojë e aksidentit, këmbësori ka vdekur. Vdekja e viktimës është konstatuar nga ekipi mjekësor në QKUK”, ka thënë Ahmeti.

Sipas saj, rasti po hetohet nga organet kompetente.

Burimet: Gazeta Dukagjini; Lajmi.net; Gazeta Metro; Kallxo; Koha.net (klaster 5 outlets).