Kush janë zyrtarët e Hipotekës së Vlorës nën hetim të SPAK-ut?

VLORË — SPAK-u ka nisur kontrolle ndaj katër punonjësve të Hipotekës së Vlorës, në kuadrin e një hetimi që lidhet me skandalin e tokave në Zvërnec. Burime konfirmojnë se në fokus janë Rembrand Dine, Vanessa Bylo dhe Ergyst Skenderi, të dyshuar për shkelje në procedurat e administrimit dhe regjistrimit të pronave në zonën e mbrojtur.

Hetimet e SPAK-ut kanë filluar prej kohësh, duke u përqendruar në mënyrën e përfitimit të tokave nga një rrjet individësh dhe kompanish, si dhe në procedurat e projektit për ndërtimin e resorteve turistike. Ky investim është promovuar si i lidhur me Jared Kushner, dhëndrin e presidentit amerikan Donald Trump, por detajet mbeten të paqarta.

Deri më tani, SPAK-u nuk ka lëshuar asnjë njoftim zyrtar për operacionin, as nuk janë bërë publike akuzat penale. Kontrolli i zyrtarëve të Hipotekës vjen pas protestave të vazhdueshme për shitjet e paligjshme të tokave në Zvërnec, ku gjyqtarë të tjerë kanë qenë nën hetim për korrupsion.

Burim: Report.al
— Redaksia ZHURMA