Çfarë gjeti ZKA në prokurimet e Komunës së Drenasit për 2025?

DRENAS — Zyra Kombëtare e Auditimit (ZKA) ka identifikuar mangësi të rëndë në prokurimin publik të Komunës së Drenasit, ku një projekt me vlerë 284.985 euro u nis pa projekt ekzekutues, në shkelje të ligjit për prokurimin publik. Kjo është një nga tematikat kryesore të theksuara në Raportin e Performancës për Komunën e Drenasit për vitin 2025, sipas të cilit aktiviteti i prokurimit për "Ndërtimin e aneksit të shkollave SHFMU 'Arif Shala' dhe 'Naim Frashëri'" u fillua pa u hartuar paraprakisht projekti teknik i detajuar.

Ligji obligon autoritetet kontraktuese të hartojnë projektin ekzekutues dhe ta bashkëngjisin atë si pjesë integrale të specifikimeve teknike para publikimit të dosjes së tenderit. Sipas rregullores aktuale, asnjë autoritet kontraktues nuk lejohet të lëshojë dokumentacionin e tenderit pa përshkrimin e detajuar të projektit. Auditori vlerëson se kjo ka ndodhur si pasojë e mungesës së planifikimit të duhur para nisjes së procedurave të prokurimit dhe moshartimit të projektit ekzekutues për projektin përkatës.

Në raport thuhet qartë se mungesa e projektit ekzekutues mund të sjellë vështirësi gjatë realizimit të projekteve, duke rritur rrezikun për pengesa profesionale, vonesa në punime dhe rritje të kostove. Si mësim kryesor, ZKA rekomandon: "Kryetari duhet të sigurojë përmes menaxherit të prokurimit forcimin e kontrollleve dhe monitoroj zbatimin e kërkesave ligjore, që me rastin e inicimit të procedurave të prokurimit për kontraktimin e punëve të sigurohet paraprakisht hartimi i projektit ekzekutues".

Menaxhmenti i Komunës së Drenasit është pajtuar me këtë rekomandim dhe ka pranuar opinion të kualifikuar nga auditori. Auditori jep opinion të kualifikuar kur Pasqyrat Financiare nuk janë në përputhje të plotë me standardet e auditimit. Ky raport i ZKA-së për Komunën e Drenasit ka rezultuar me 12 rekomandime totale: 6 të reja, 5 të përsëritura dhe 1 pjesërisht e përsëritur. Për krahasim, në raportin e auditimit të vitit 2024, Komuna e Drenasit kishte marrë 11 rekomandime.

Përveç kësaj, ZKA evidenton edhe mbi 2.3 milionë euro shpenzime të klasifikuara gabimisht në këtë komunë, duke e bërë këtë problematinë më të gjerë të menaxhimit të financave publike. Raporti i plotë është i disponueshëm për lexim nga burimi zyrtar.

Burim: Kallxo
— Redaksia ZHURMA