Zjarrfikësit ndërhyjnë në këmbë në Voskopojë — terreni bllokon mjetet
Efektivët po ndërhyjnë në këmbë pasi automjetet nuk afrohen dot, ndërsa në operacion janë angazhuar edhe punonjës të Shërbimit Pyjor.
VOSKOPOJË — Një vatër zjarri në pyllin e fshatit Voskopojë të Korçës ka vështirësuar ndërhyrjen e ekipeve zjarrfikëse, të cilat janë mobilizuar menjëherë për të shuar flakët. Policia ka konfirmuar se drejt vendngjarjes janë nisur dy mjete të Shërbimit të Mbrojtjes nga Zjarri dhe Shpëtimit, një automjet zjarrfikës dhe efektivë të ndërhyrjes.
Përveç zjarrfikësve, në këtë operacion janë angazhuar edhe forca të tjera mbështetëse. Konkretisht, në terren po punojnë forcat e Njësisë Administrative Voskopojë dhe punonjës të Shërbimit Pyjor për to ndihmuar në lokalizimin e vatrës së zjarrit.
Vështirësitë kryesore burojnë nga terreni i thyer gjeografik, i cili ka bërë që automjeti zjarrfikës të mos afrohet dot pranë zonës aktive. Për këtë arsye, një pjesë e efektivëve kanë nisur ndërhyrjen në këmbë, ndërsa pjesa tjetër po lëviz drejt zonës së prekur.
Pasi drejtuesi i MZSH-së të kryejë vlerësimin e plotë të situatës në terren, do të koordinohen edhe veprimet e mëtejshme për të arritur neutralizimin e plotë të flakëve.
Burim: Ekonomia Online
— Redaksia ZHURMA
Të ngjashme
sipas temës · #jashte-kufijve
Spitali i Gostivarit furnizohet me autobot pas ndotjes së ujit
Greqia blen mburojën ajrore izraelite për 3 miliardë euro
Interpoli refuzon Serbinë — s'ka urdhër-arrest për 6 aktivistë e studentë
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.