Zhupa akuzon Ramën për manipulim të citimit
Rama e akuzohet për një 'qeveri të keqe' dhe autogol të citimit
Redaksia ZHURMA · · Përditësuar · 1 min lexim
TIRANË — Deputetja demokrate Ina Zhupa ka reaguar pas citimit që kryeministri Edi Rama bëri një ditë më parë nga Alexis de Tocqueville gjatë mbledhjes së grupit parlamentar socialist, duke e akuzuar se ka manipuluar qëllimisht tekstin. Ina Zhupa thotë se Rama ka lënë jashtë fjalën “e keqe” nga fraza e Tocqueville: “Përvoja na mëson se çasti më i rrezikshëm për një qeveri të keqe është zakonisht ai kur ajo fillon të reformohet”, duke e cilësuar këtë si një “autogol” politik.
Sipas Zhupës, citimi i plotë tregon se vetë Rama po pranon se drejton një “qeveri të keqe”, ndërsa e mbyll reagimin me thirrjen: “Një qeveri e keqe nuk i duhet shqiptarëve. Rama, jep dorëheqjen!”
Reagimi i plotë i Ina Zhupës vjen pasi që Tokëvili (Tocqueville) shkruan në faqen 250 të librit të tij “Rregjimi i vjetër dhe Revolucioni”: Përvoja na mëson se çasti më i rrezikshëm për një qeveri të keqe është zakonisht ai kur ajo fillon të reformohet. Këtë citoi Rama por “harroi” fjalën e KEQE duke mashtruar përsëri sic e ka zakon.
Burim: Syri.net, https://www.syri.net/politike/905561/zhupa-a-i-jepet-besa-nje-kryeministri-qe-manipulon-edhe-citimet/
— Redaksia ZHURMA
