Marrëveshja mes Shqipërisë dhe Italisë: Zgjatet me 5 vite njohja e patentave
Qytetarët shqiptarë në Itali dhe ata italianë në Shqipëri do të mund të vazhdojnë konvertimin e lejeve të drejtimit.
Redaksia ZHURMA · · Përditësuar · 1 min lexim
Marrëveshja dypalëshe mes Shqipërisë dhe Italisë për njohjen dhe konvertimin e lejeve të drejtimit do të mbetet në fuqi për një periudhë prej pesë vitesh të tjera. Sipas njoftimit të Ministrisë së Infrastrukturës dhe Energjisë, ky vendim u vjen në ndihmë qytetarëve shqiptarë që jetojnë në Itali dhe shtetasve italianë që janë rezidentë në Shqipëri, duke u lejuar atyre të vijojnë procedurat përkatëse për konvertimin e dokumentit të drejtimit pa u ndërprerë ky shërbim.
Vazhdimi i zbatimit të këtij akti synon të lehtësojë procedurat administrative dhe qarkullimin e automjeteve për mijëra persona që jetojnë mes dy vendeve. Ministri i Infrastrukturës dhe Energjisë, Enea Karakaçi, theksoi se ky zhvillim dëshmon besueshmërinë e sistemit shqiptar të lejeve të drejtimit dhe standardet e larta që zbaton Drejtoria e Përgjithshme e Shërbimeve të Transportit Rrugor në përputhje me praktikat evropiane.
