Zavarzin: Daku s'ka gabim, i duhen gjashtë muaj

Ish-drejtor i përgjithshëm i klubit, Yuri Zavarzin, është shprehur i bindur se transferimi i sulmuesit Mirlind Daku te Spartaku i Moskës nuk përbën gabim, duke shtuar se futbollistit i duhen rreth gjashtë muaj për t'u përshtatur me skuadrën e re.

Në një prononcim të tij, Zavarzin theksoi se lojtari i kombëtares shqiptare i ka dëshmuar më parë aftësitë dhe cilësitë e tij futbollistike gjatë periudhës kur ka luajtur te Rubini i Kazanit. Sipas tij, çdo lojtar që transferohet në një ambient të ri ka nevojë për një periudhë kohe për t'u integruar plotësisht me grupin.

Kujtojmë se sulmuesi shqiptar u transferua te skuadra ruse në gusht të vitit 2026, ku ka firmosur një kontratë trevjeçare. Deri më tani, ai ka regjistruar nëntë ndeshje, duke shënuar një gol dhe duke dhënë dy asistime, ndërkohë që vazhdon të synojë rritjen e hapësirave të tij në fushë.