Hapa drejt marrëveshjeve të sigurimeve sociale me Austrinë e Turqinë

Qeveria e Kosovës ka miratuar propozim-vendimet për t'i kërkuar presidentes dhënien e autorizimit ministrit përgjegjës për nënshkrimin e marrëveshjeve të sigurimeve sociale me Austrinë dhe Turqinë. Në mbledhjen e kabinetit qeveritar, vendimi për marrëveshjen me Turqinë u miratua unanimisht.

Kryeministri Albin Kurti u shpreh se marrëveshja synon mbrojtjen e të drejtave të qytetarëve që jetojnë dhe punojnë në të dyja vendet, duke mundësuar që vitet e punës dhe kontributet e paguara të merren parasysh gjatë realizimit të të drejtave pensionale dhe sociale. Sipas tij, lëvizja nga njëri shtet në tjetrin nuk duhet të cenojë sigurinë sociale të qytetarëve.

Gjatë së akejtuarës mbledhje, kabineti qeveritar miratoi gjithashtu Projektligjin për Agjencinë e Menaxhimit të Emergjencave, Projektligjin për Inspektoratin Qendror të Bujqësisë, Sigurisë Ushqimore, Veterinës dhe Pylltarisë, si dhe draftin e programit për vlerësimin ex-post të akteve juridike për periudhën 2026–2028.