Superliga e Kosovës vazhdon me dy ndeshje të xhiros së nëntë

Albi Mall Superliga e Kosovës vazhdon me ndeshjet e radhës që i përkasin xhiros së nëntë, sipas kalendarit zyrtar të garës. Java garuese u hap me takimet Ballkani-Drita, e cila përfundoi zero me një, si dhe Gjilani-Drenica me rezultatin tre me zero, ndërsa programi vijon me dy duele të tjera.

Në përballjen e parë, Feronikeli shtatëdhjetë e katër luan në shtëpi kundër Llapit në stadiumin Rexhep Rexhepi në Drenas. Feronikeli shtatëdhjetë e katër vjen në këtë takim pas një barazimi dy me dy në fushën e Drenicës në Skenderaj, teksa Llapi ka pësuar tri humbje radhazi, me të fundit ndaj Ballkanit me shifrat një me zero në Suharekë.

Ndërkaq, dueli tjetër zhvillohet në Klinë, ku Dukagjini mirëpret Vushtrrinë. Vushtrria regjistroi fitoren e parë të këtij kampionati në xhiron paraprake, duke mposhtur Gjilanin me rezultat minimal një me zero. Të dy ndeshjet janë caktuar që të startojnë në orën katërmbëdhjetë.