Sezoni i ri: Termokosi nis ngrohjen për rreth 25 mijë konsumatorë

Furnizimi me ngrohje përmes sistemit të Termokosit do të nisë nesër, duke shënuar kështu fillimin e sezonit të ri ngrohës për konsumatorët e kyçur në rrjetin e ngrohjes qendrore. Lajmi është bërë i ditur nga zëdhënësja e kësaj ndërmarrjeje, Afërdita Uka.

Sipas të dhënave, aktualisht në rrjetin e Termokosit janë të kyçur rreth 25 mijë konsumatorë, të cilët do të përfitojnë nga furnizimi gjatë muajve të sezonit dimëror. Sa i përket zgjerimit të rrjetit, projektet e realizuara për këtë qëllim kanë përfunduar vitin e kaluar, ndërsa synimi mbetet vazhdimi i punimeve në zona të tjera të kryeqytetit për të përfshirë më shumë banorë në sistemin e ngrohjes qendrore.